Нэһилиэк баһылыга Степан Саргыдаев иһитиннэрбитинэн, бүгүн сарсыарда 10 чаастааҕы туругунан арҕаа олорор 22 ыал тэлгэһэтигэр уу киирдэ. Салгыы атын тэлгэһэлэргэ уу киирбэтин туһугар биэрэктэри бөҕөргөтүү үлэтэ ыытыллар.
Бэҕэһээ киэһэ СӨ ыксаллаах быһыы-майгы министиэристибэтин кылаабынай управлениетын начальнигын солбуйааччы Роман Платонов салайааччылаах Хабаровскай уонна Дьокуускай куораттан 20 киһилээх туһааннаах сулууспа үлэһиттэрэ көмөлөһө кэллилэр. Билигин Куоҕалы даамбата Куохараҕа 83 сантиметр үрдүктээх кута турар. Харыылаах шлюз-регулятора 46 сантиметр үрдүктээх ууну аһара сытар. Уустук балаһыанньаны туоратыыга улуус тэрилтэлэриттэн 160 киһи, 12 анал тиэхиньикэ үлэлиир. Ол иһигэр устудьуоннар уонна арҕаа олорор түөлбэ олохтоохторо кыттыһаллар. Ууну этэҥҥэ аһарыы хонтуруолга тутуллар.
Ааптар: Анна Захарова